Рустам Минниханов: «Сәләт – образцовая программа для нашей республики!»

Tatarstan Respublikası Räise Röstäm Miñnexanow «Sälät» – Hönärlär Bilär Forum XIV Xalıkara yaşlär belem birü forumınıñ ikençe smenasında buldı. Bilär forumı  – tatar, rus häm ingliz tellären irken belü moxite, ideyalär, yañalıklar belän urtaklaşu, şäxsi häm hönäri sıyfatların kamilläşterü, mädäniyat, sängat, mägarif, media häm informatsion texnologiyalär ölkälärendäge dönyaküläm trendlar belän tanışu urını.

«Sälät» Xalıkara yaşlär belem birü forumı 8 iyuldän 1 awgustka kadär Bilär tarix-arxeologiya muzey-tıyulıgı territoriyasendä uza.

Bıel forum barışında törle yunäleşlärgä bagışlangan öç smena uza: Sälät Bilär forumı (Selet), Hönärlär Bilär forumı (Hönärlär / Junior Skills), Aldıngılar Bilär forumı (Berençelär/ Forward). Forum Tatarstan Respublikasınıñ barlık rayonnarınnan häm Rossiya töbäklärennän: Tatarstan, Başkortostan, Mariy El, Udmurtiya, Samara, Kirow, Orenburg, Perm, Mäskäü ölkälärennän 9000 balanı berläşterä.

«Sälät» forumı – Tatarstan Respublikası Räise Röstäm Miñnexanow yardäme belän ütkärelä torgan töbägebezneñ yözenä äwerelgän proektlarnıñ berse.

Hönärlär Bilär forumı 18 iyuldän 24 iyulgä kadär «Sälät-Adımnar» sıynıf ukuçıları, «Sälät» töbäk klubları liderları, «Almagaç» Sälät mäktäbe, «Adımnar» polilingwal mäktäpläre ukuçıları katnaşında uza. Smena programması üz eçenä öç yunäleşne alaçak: icat, media, mäglümati texnologiyalär. Forum bu yunäleşlärdä katnaşuçılarnıñ eçke potentsialın açıklau, gamälgä aşıru häm üsterü öçen unikal mäydançık bularak oeştırılgan.

Forum kısalarında master-klasslar, açık oçraşular, workşoplar, respublikanıñ häm ilneñ äydäp baruçı belgeçläre belän interaktiw oçraşular ütkärelä. Smenanıñ här köne däreslär häm uennar, sport yarışları häm mädäni kiçälär belän ürelep bara. Smena kısalarında Tatarstan häm Rossiyaneñ äydäp baruçı spikerları häm ekspertları katnaşında belem birü sessiyaläreneñ interaktiw formatları buldırıla, gamäli icat, milli koloritlı dizayn buença master-klasslar ütkärelä, şulay uk Bilär tarixı buença maxsus proektlar häm «EkoSälät» mäydançıkları eşli.

Respublika Räise forumda katnaşuçılar belän aralaştı, smenanıñ uku mäydançıkları belän tanıştı häm sälätlelärgä cılı teläklären belderde:

«Globalläşü çorında böten dönyada telebezne, goref – gadätlärebezne saklau – bezneñ töp burıçlarıbıznıñ berse. Näk menä «Sälät» oeşması gailälär belän berrättän balalarda döres tärbiya initsiatiwaların formalaştıruda, alarnıñ yaktı kiläçägen bilgeläüdä töp rolne uynıy. Bolar barısı da – urtak komanda eşe näticäse. Citäkçelärneñ häm äydämannarnıñ tırış xezmäte näticäsendä balalar döres tärbiya ala. Yaşlek häm balaçaknıñ kaderen belegez! Işanabız, älege forum alga taba da üsäçäk häm bez sezgä härwakıt yardäm itäçäkbez!»

«Sälätle cäy» sälamätländerü kampaniyase kısalarında bıel 24 profille alan ütkärelä. Alar üz eşçänleklären awgust axırına kadär alıp baraçak.

Sälät – mömkinleklär moxite! Biredä balalar icadi fikerdäşlär tabalar, gomerlek dusların oçratalar häm bergä yaktı kiläçäkkä atlıylar.

Tulırak: https://minmol.tatarstan.ru/index.htm/news/2434745.htm