Sälät aktiwistı Änwär Orazow «Wäli» isemle multserial töşerä ← kire kaytirga

Sälät aktiwistı Änwär Orazow balalarga tatar telen öyränü küñelle häm faydalı bulsın öçen «Wäli» isemle uku-ukıtu multiplikatsion serialın uylap tapkan. Anıñ berençe wariantın sezgä täkdim itäbez. Älege multfilm närsägä öyrätä? Änwärdän şul xakta soraştık.

- Änwär, älege multfilmnıñ ideyase kemneke?

- 2015-nçe elnıñ maenda sıyfatlı tatar multfilmı töşerü xakında uylana başladık. Şunda uk kontseptsiyase dä barlıkka kilde: şähär moxitendä yaşäp tugan telen onıtkan malay turında yazmalar.

- Töp geroyga isemne niçek sayladıgız?

- Wäli iseme oşadı. (Kölä) Çınlıkta isä, mägnäsendä keçkenä genä matematik alım bar.

- Multfilmnıñ töp fikere nidän gıybarät?

- Zamanaga iyarep tugan telne onıtmau, aralaşu, tugan yagıbıznı, awılıbıznı yaratu.

- Multfilmda kızıklı momentlar bik küp. Sin üzeñ dä KWN uençısı bularak, balalarnı keçe yaştän yumorga öyrätergä kiräk dip sanıysıñmı, ällä inde bu ciñel kabul itelsen öçen şulay eşlängänme?

- Yumor – mäglümatnı citkerüneñ uñaylı ısulı. Tel mäsäläsen kat-kat citdi formada kütäräse kilmi. Şuña da şuşı ısulnı sayladık. Balalarga da kızıklı, añlarga ciñel.

- Multfilmnıñ däwamın kayda karap bula?

- Berençe sezonnıñ barlık seriyaläre äzer bulgaç, TNW kanalınnan anı kürsätäsebez  kilä. Telekanalnıñ citäkçelege bu ideyane kire kakmas dip ömetlänäbez.