Iyul turında kıskaça! ← kire kaytirga
Cäyneñ iñ kızu ae sälätlelärneñ küñellärendä XIV Xalıkara «Sälät» yaşlär uku-ukıtu forumı häm Sälät alannarına bäyle onıtılmaslık mizgellär belän istä kalaçak!
Iyul aena bergäläşep näticälär yasıyk!
· Sälät Bilär Forum
XIV Xalıkara «Sälät» yaşlär uku-ukıtu forumınıñ berençe smenası – meñlägän sälätle balalar häm talantlı yaşlärne berläşterüçe, alar öçen belem alu, aralaşu, icat itü häm üz potentsialın açu öçen unikal mäydançık. Biredä «Sälät» berläşmäseneñ tübändäge profille smenalarnıñ sälkeşläre katnaştı: «Rauşan», «Bilär kalası», «Gayrät», «Aznakay», «Ruxiyat», «Saba». Sälät Bilär Forumda gadättägeçä alannarnıñ profille tematikaları: fän, icat häm sängat, sport belän bäyle laboratoriyalär formatında gamälgä aşırıldı. Smena kısalarında belem birü sessiyaläreneñ Tatarstan häm Rossiyaneñ iñ aldıngı spikerları häm ekspertları belän interaktiw formatları planlaştırılgan ide. Tulırak: https://selet.biz/tat/news/forum-obedinivshiy-vsekh-zavershilas-traditsionnaya-smena-foruma-s-l-t/
· «Asıl gailä cıenı»
12 iyul könne Bilärdä XIV Xalıkara «Sälät» yaşlär uku-ukıtu forumınıñ Sälät Bilär Forum smenası kısalarında «Asıl gailä» proektı katnaşuçıları öçen «Asıl gailä cıenı» programması uzdı. Çaraga Tatarstannıñ törle rayonnarınnan, Kazan häm Yar Çallı şähärlärennän, şulay uk başka töbäklärdän yakınça 250 keşe cıeldı. «Asıl gailä» – Sälätneñ törle proektlarında katnaşuçı gailälär öçen unikal proekt. Äti-änilär, äbi-babaylar, nänilär häm bäbilär, 0 yaştän alıp ölkännärgä kadär - barısı da 1 köngä Bilärgä kayttılar.
· «Ostaz» proektı
9 iyuldän başlap 12 iyulgä kadär Bilärgä Kazan şähäre, Tatarstan Respublikası häm kürşe töbäklärdän gomumi belem birü oeşmalarınıñ pedagogları, ukıtu, tärbiya eşe häm milli mäsälälär buença direktor urınbasarları, pedagogik yunäleşlärdäge yugarı häm urta hönäri belem birü mägarif oeşmalarınıñ ölkän kurs studentları cıeldılar. 4 kön däwamında katnaşuçılar öçen ekspertlardan unikal belem häm täkdimnär alu, belem birü häm mädäni programmalarda katnaşu, üzlären kürsätü aşa üz kompetentsiyalären üsterep, başka katnaşuçılar häm ekspertlar belän hönäri, mädäni elemtälär urnaştıra, täcribä urtaklaşu mömkinlege tudırıldı.
· Hönärlär Bilär Forum
18 – 24 iyul könnärendä izge Bilär cirendä HÖNÄRLÄR BILÄR FORUM (Remesla/Junior skills) smenası uzdı. Cmena programması üz eçendä öç yunäleşne kolaçladı: icat, media, mäglümati texnologiyalär. Hönärlär Bilär Forum katnaşuçılarga älege yunäleşlärdä eçke potentsialların açıklau, gamälgä aşıru häm üsterü öçen unikal mäydançık bularak oeştırıldı. Biredä här katnaşuçı üze telägän yunäleşne saylap, intensiw programmanı üzläşterep, mädäni häm sport çaralarında katnaşıp, küñelle yal itä aldı. Tulırak: https://selet.biz/tat/news/timur-suleymanov-s-l-t-eto-obraz-myshleniya-v-bilyarske-zavershilas-vtoraya-smena-foruma-s-l-t/
· Tatarstan Respublikası Räise Röstäm Miñnexanow XIV Xalıkara «Cälät» yaşlär uku-ukıtu forumında
«Sälät» forumı – Tatarstan Respublikası Räise Röstäm Miñnexanow yardäme belän uzdırıluçı töbägebezneñ yöze bulgan proektlarnıñ berse. Respublikabız Räise Röstäm Miñnexanow XIV Xalıkara «Cälät» yaşlär uku-ukıtu forumınıñ ikençe smenasında – Hönärlär Bilär Forumda kunakta buldı. Biredä ul forum katnaşuçıları belän aralaştı, smenanıñ uku-ukıtu mäydançıkları belän tanıştı häm sälkeşlärgä cılı teläklären citkerde. Tulırak: https://selet.biz/tat/news/rustam-minnikhanov-s-l-t-obraztsovaya-programma-dlya-nashey-respubliki-/
· RUWIKI Internet-entsiklopediyase häm «Sälät» berläşmäse urtak proekt äzerli
2025 elnıñ 23 iyulendä XIV Xalıkara «Sälät» yaşlär uku-ukıtu forumı kısalarında RUWIKI Internet-entsiklopediyase häm «Sälät» berläşmäse arasında kileşü tözelde. Partnerlık Tatarstan Respublikası mädäniyaten tatar telendä RUWIKI materialların tözü häm redaktsiyaläü aşa saklap kalırga häm populyarlaştırırga tieş. RUWIKI häm «Sälät» berläşmäse «RUWIKI – «Sälät» mäktäben başlap cibärälär. Tulırak: https://selet.biz/tat/news/internet-entsiklopediya-ruviki-i-soobshchestvo-s-l-t-obyavili-o-zapuske-sovmestnogo-proekta/
· Aldıngılar Bilär Forum
Bilärdä XIV Xalıkara «Sälät» yaşlär uku-ukıtu forumınıñ yomgaklau smenası - Aldıngılar Bilär Forum (Perwıe / Forward) start aldı. Öçençe el rättän ul Rossiya balalar häm yaşlär oeşması «Aldıngılar xäräkäte» belän berlektä uzdırıla. Biredä Tatarstan rayonnarınnan 12-17 yaşlek 800 gä yakın bala cıeldı. Alar barısı da «Aldıngılar xäräkäte»neñ här bülegennän saylap alıngan. Forum katnaşuçıları öçen «Ostazlık» temasına bagışlangan maxsus uku-ukıtu programması äzerlängän.
· Bilär tarixı buença «Tamırlar» olimpiadası
Bıel berençe tapkır Bilär Forum kısalarında Bilär cire, Böek Idel bue Bolgar däüläteneñ tarixına bagışlangan «Tamırlar» respublikaküläm olimpiadası uzdı. Üz belemnären forumda katnaşkan här sälkeş sınap karıy aldı. Forumnıñ här smenasında häm «Bolgar – Tugan tel» alanında uzdırılgan olimpiadada 4 sälkeş welosipedka, ä 16 sälkeş «Alisa» akıllı kolonkasına iya buldı.