«Sälät»kä nur bulgan yoldızlar» ← kire kaytirga

12-nçe aprel könne VII açık «Sälät»kä nur bulgan yoldızlar» ädäbi konkursına garizalarnı tapşıru tämamlana.

«Sälät»kä nur bulgan yoldızlar» – Yaşlär eşläre häm sport ministrlıgı häm «Sälät» xäräkäteneñ «Idel» häm «Yalkın» jurnalları belän berlektä ütkärelä torgan açık ädäbi konkursı.

 Konkurs 5 nominatsiyadä ütkärelä: 

- poeziya; 
- proza; 
- publitsistika; 
- balalar ädäbiyatı; 
- dramaturgiya. 

Konkursta 12 yaştän alıp 22 yaşkäçä mäktäp ukuçıları häm studentları katnaşa. 

Eldan el katnaşuçılarnıñ sanı arta. Bu elnı isä alarnıñ sanı 100 artık bulaçak dip kötelä.

Kazıylar şurasına Tatarstan Yazuçılar soyuzı ägzaları, tanılgan şagıyrlär, yazuçılar, jurnalistlar kerä.

Räzinä Gaybadullina, proekt kuratorı:

- Bu elnı garizalarnı kabul itü wakıtı barı tik  2,5 atna bulaçagı xäl itelde. Läkin, bu garizalarnıñ sanı kimede digän süz tügel. Kiresençä, alar arttı diyargä bula. Programma turında söyläsäk, anı bik eçtälekle bulaçagın aeruça äytep bula. Ul törle ostaxanälärdän, bu ölkädä tanılgan şäxeslär belän tügäräk öställärdän toraçak. Biredä, katnaşuçılar jyuri ägzaları belän äsärläre turında fiker alışa alaçak.

Üzemdä balaçaktan şigırlär yazam häm xäzerge buınna bu ölkädä üsüen kürü bik tä şatlandıra. Bügenge köndä eçtälekle, şäp äsärlär yazuçı eget-kızlar şaktıy küp. Bezneñ proektıbıznıñ tagın ber uñay yagı – tatar tele. Tugan tellären yaratuçılar bezdä bik küp! Olı buınıbız yaşlär tatar telen yaratmıy dip uylıy. Läkin, bu döres tügel.

Barlık sälätle yaşlärne Sälät Yortında Sälät»kä nur bulgan yoldızlar» konkursında kötep kalabız!