«Sälät»tä berençe kön ← kire kaytirga

VII Xalıkara yaşlär uku-ukıtu Cälät forumınıñ 5-nçe smenası 26-nçı iyuldä başlandı. Ul liderlık sıyfatların, proekt häm komanda eşe künekmälären üsterügä bagışlangan. Älege forumda katnaşu bäxete miña da elmaydı.

Menä bez Bilär kalasına kitü öçen sport saraena cıeldık. Forumda katnaşuçılar şaktıy küp. Kemder dustı, sıynıftaşı belän kilgängä räxätlänep söyläşälär, ä kayberäülär yaña tanışları belän äñgämä kora. Tik monda berkem dä küñelsezlänep utırmıy. Äydamannarıbız terkälü uzgannan soñ uk, bezne törle kızıklı uennarda katnaşırga çakırdılar. Uynıy-kölä şulay tiz genä tanışıp ta kittek.

Küñelle bulganga, Bilärgä kadär bulgan ozın yulnı da bik tiz uzdık.

Menä bez Bilär cirlegendä. Iñ berençe algan täesirlärem: «Sälät» başka lagerlardan millilege belän aerılıp tora. Biredä ber-bereñne xörmät itü, dustanä mönäsäbätlär açık sizelä. Tugan telebezdä cırlar yañgırawı, küpçelek sälkeşlärneñ saf tatar telendä söyläşüe milli rux östi. Bälki şuñadır, alannarda yal itüçelär berdäm buluları, tatulıkları belän cälep itälär kebek toeldı miña.

«Sälät»täge berençe kön tiz häm küñelle uzıp kitte. Miña monda bik oşadı.

Sälkeş Älfinur