Timur Söläymanow: «Bu cirgä ayak baskaç aerım ber süzlär iskä töşä». Bilärdä «Sälät» forumınıñ yomgaklau smenası başlandı

Bilärdä XIV Xalıkara «Sälät» yaşlär uku-ukıtu forumınıñ yomgaklau smenası - Aldıngılar Bilär Forum (Perwıe / Forward) start aldı. Öçençe el rättän ul Rossiya balalar häm yaşlär oeşması «Aldıngılar xäräkäte» belän berlektä uzdırıla. Biredä Tatarstan rayonnarınnan 12-17 yaşlek 800 gä yakın bala cıeldı. Alar barısı da «Aldıngılar xäräkäte»neñ här bülegennän saylap alıngan. Smenaga eläger öçen balalar «Ostazlar» temasına esse äzerläde. Şulay uk här katnaşuçı üzeneñ uñışları tuplangan portfolio täkdim itärgä tieş ide.

Bıel smena ukuçılarnıñ üzidaräsen häm komanda künekmälären üsterügä yunälderelä. “Aldıngılar sägate” kısalarında 12 yunäleş buença ostaxanälär uza: mägarif, fän, xezmät häm hönärlär, mädäniyat, igeleklelek, patriotizm, sport, sälamlät yaşäü räweşe, media häm kommunikatsiyalär, diplomatiya, ekologiya häm turizm. Bıel katnaşuçılar sorawı buença uku-ukıtu programmasına geymifikatsiya elementları da östälde. Belem birü çatırı ber şähärçekkä äylände, ä katnaşuçılar - bu şähärneñ yaşäüçeläre, idarä itü komitetları wäkilläre. Iñ aktiw katnaşuçılar üzlären şähär başlıgı rolendä sınap karıy ala. Şulay uk balalar “Aldıngılar sägate” kısalarında üzläreneñ ostaxanälären dä buldıra alalar.

Smena açılışında katnaşuçılarga sälamläü süze belän «Sälät» yaşlär üzäge direktorı Aygöl Gabdraxmanowa möräcägat itte. Ul yaşlärgä uñışlı smena teläp, üzeneñ ixlas teläklären citkerde. Forumda katnaşuçılarnı Tatarstan Respublikası Räise yardämçese, Tatarstan Respublikasınıñ «Aldıngılar xäräkäte» balalar häm yaşlär gomumrossiya ictimagıy däülät xäräkäteneñ töbäk bülege sowetı citäkçese Timur Söläymanow ta sälamläde.

- Bu cirgä ayak baskaç aerım ber süzlär iskä töşä: Aldıngılar, Sälät, Bilär, gailä, berdämlek, köç, därt, goref-gadätlär, tarix. Sez barısın da süzsez añlıysız, çönki bez ber dulkında - yañarış, xäräkät dulkınında. Smenanı oeştırgan här keşegä räxmät süzlären citkeräsem kilä. Berençe çiratta Tatarstan Respublikası Räisenä mondıy şartlar buldırganı öçen räxmät! «Sälät»ebezgä zur räxmät. Öçençe el rättän bu forum «Sälät» häm «Aldıngılar» xäräkäte belän berlektä uzdırıla. «Sälät» bu mäydançıknı birep, «Aldıngılar xäräkäte» Bötenrossiya xäräkäten üsterä, köçleräk itä. Barlık oeştıruçılarga da zur räxmät.

Tantanalı açılıştan soñ kiçke çara başlandı. Intellektual turnir kısalarında katnaşuçılar arasında iñ belemle eget-kızlar bilgelände. Forum programması kısalarında ukuçılarnı törle ictimagıy oeşmalardan, törle eşçänlek ölkälärennän kilgän aldıngı belgeçlärdän uku-ukıtu ostaxanäläre kötä. Ostazlar arasında texnik fännär kandidatı, “Rosmolodyoj” oeşması trekerı Aleksandra Kartaşowa; berençe kwalifikatsiya kategoriyale pedagog-psixolog, “Uniwersitet talantow” ostazı; mädäniyat ölkäsendä Rossiyaneñ iñ yaxşı wolonterı, TR «Mädäniyat wolonterları» Bötenrossiya ictimagıy xäräkäteneñ töbäk bülege citäkçese Gölfiya Motıygullina; biznes-treker, “Skolkowo” fänni-texnologik üzäge ostazı Dmitriy Şakircanow häm başka ostazlar.

“Aldıngılar Bilär Forum” 1 awgustta tämamlanaçak.

«Aldıngılar xäräkäte» Rossiya balalar häm yaşlär xäräkäte 2022 elnıñ cäendä Rossiya Prezidentı Wladimir Putin Ukazı buença oeştırılgan. Tatarstanda «Aldıngılar xäräkäte» 2023 elnıñ gıynwarında aktiw eşçänlegen başladı. Näk şul wakıtta töbäk xäräkäte citäkçese itep Timur Söläymanow bilgelände.

«Aldıngılar xäräkäte»neñ töp yunäleşläre bulıp balalar häm yaşlärneñ kıymmätlären formalaştıru, alarnıñ bergäläp icat itü yulı belän üz-üzlären tormışka aşıruına yardäm itü, yaşlär xäräkätläre eşçänlegenä yaña auditoriya cälep itü tora.

Isegezgä töşeräbez, XIV Xalıkara «Sälät» yaşlär uku-ukıtu forumı Tatarstan Respublikası Xökümäte, TR Yaşlär eşläre ministrlıgı häm TR Mägarif häm fän ministrlıgı yardäme belän uza.

Bilär Forum 2025 sannarda:

3 smena

21 kön

210 palatka

9 meñ katnaşuçı