«Сәләткә нур булган йолдызлар» ачык әдәби бәйгесенә гаризалар 15 нче мартына кадәр кабул ителә ← кире кайтырга

«Сәләткә нур булган йолдызлар» ачык әдәби бәйгесе старт алды. Гаризалар 2015 нче елның 15 нче мартына кадәр, «Сәләт» йортында (Казан шәһәре, Островский ур., 23 йорт, 3 офис) кабул ителә. Белешмәләр өчен телефон: 8 (843) 292 23 30; эш вакыты: 9:00-18:00.

Бәйге түбәндәге номинацияләр буенча үткәрелә:

-         Шигърият (20 шигырьдән артмасын);

-         Проза (30 биттән артмасын);

-         Публицистика (30 биттән артмасын);

-         Балалар әдәбияты (30 биттән артмасын);

-         Драматургия (30 биттән артмасын).

Язмалар татар, рус һәм инглиз телләрендә кабул ителә. Оештыру комитеты әлеге язмаларны төрле матбугат чараларында бастырырга хокуклы.

Катнашучылар түбәндәге билгеләмәләр буенча бәяләнә (5 баллык шкала):

-         Яңа идеяләр, үзенчәлекле булу;

-         Язманың әдәби кыйммәте;

-         Фикер тирәнлеге.

Бәйгенең катнашучылары мәктәп укучылары һәм студентлар була ала. Яшь бүленеше:

-         12-14 яшь;

-         15-18 яшь;

-         19-22 яшь.

Бәйгенең жюри составына Татарстан Республикасының язучылар союзы әгъзалары, танылган шагыйрьләр, прозаиклар һәм журналистлар керә.

Үткәрү вакыты:

2 февраль 2015 ел – 15 март 2015 ел – сайлап алу туры, гаризалар кабул итү.

15 март 2015 ел – 15 апрель 2015 ел – бәйгенең жюри әгъзалары эшчәнлеге.

17 апрель 2015 ел – эшләрне тәкъдим итү.

24 апрель 2015 ел – бәйгенең финалы, бүләкләү тантанасы.

Бәйге Татарстан Республикасының яшьләр эшләре һәм спорт министрлыгы, «Сәләт» Фонды һәм «Сәләт» яшьләр үзәге, «Идел» әдәби, иҗтимагый-сәяси һәм яшьләр журналы, «Ялкын» балалар журналы һәм «Калеб» яңа буын җыены тарафыннан үткәрелә.