Россиянең иң зур чатырлы лагере – Сәләт Биләр Форум беренче сменасын башлап җибәрде
10.07.2025
Sälät Bilär Forum – Sälät oeşmasınıñ ellık eş näticäläre buença kulminatsion noktası. Smena profille alannarnıñ tematikaları: fän, icat häm sängat, sport belän bäyle tematik laboratoriyalär formatında gamälgä aşırıla. Traditsion festiwaldä Sälätneñ cäyge profille smenalarına saylap alunı ütkän sälätle balalar häm yaşlär katnaşa.
Smenanıñ açılu tantanasında Alekseewsk rayonı başlıgı Sergey Demidow çıgış yasadı.
«Bez sezne kunakçıl Alekseewsk cirendä sälamnärgä bik şatbız. Bezneñ öçen Bilär – bik möhim urın. Inde 30 elga yakın näk menä monda yaşlär öçen şundıy zur forum ütkärelüe belän bez bik gorurlanabız. Bu eşkä katnaşı bulgan här keşegä zur räxmätläremne belderäsem kilä. «Sälät» dip isemlängän zur gailägä üsü, yaña ürlär yaulau häm icadi uñışlar teläp kalam», – dip belderde ul.
Şulay uk forum katnaşuçıların Tatarstan Respublikası Räise yardämçese, «Aldıngılar xäräkäte» Rossiya balalar-yaşüsmerlär xäräkäteneñ Tatarstan bülege citäkçese Timur Söläymanow sälamläde.
«Min Sälättä 1998 eldan birle. El saen bez monda kaytabız. Bez – matur Bilär cireneñ däwamçıları, sez – anıñ däwamçıları. Aerım räxmätläremne min TR yaşlär eşläre ministrlıgına, Tatarstan Respublikası citäkçelegenä häm Alekseewsk rayonına äytäsem kilä, alar bezgä berençelärdän bulıp yardäm kürsättelär. Äyterseñ lä, Bilär cire bezne bik küp ellar däwamında kötkän. Sezgä Respublikabız Räise Röstäm Miñnexanowtan sälamnärne citkeräm. Bergä bulıyk, berdäm bulıyk!», – dide ul.
Forumnıñ töp üzençälege şunda – katnaşuçılar barı tik çın sälätlelärdän genä cıela – katnaşu öçen «Sälät» berläşmäseneñ tübändäge cäyge profille alannarınnan bulu möhim: «Rauşan», «Bilär kalası», «Gayrät», «Aznakay», «Ruxiyat», «Saba».
Forumnıñ açılu tantanasında şulay uk TR yaşlär eşläre ministrınıñ urınbasarı Aygöl Sabirowa da katnaştı. Ul da ministrlıknıñ sälamläü süzlären citkerep, katnaşuçılarga cılı teläklären citkerde.