Sälät aktiwistları «Lider goda» bäygesendä ciñü yauladı ← kire kaytirga

Sälät aktiwistları Tatarstan Respublikasınıñ «Lider goda» bäygesendä ciñü yauladılar. Kotlıybız! Menä alar: Liya Kogan «Lider 16-17 yaş» nominatsiyasendä 3-nçe urın, Yosıf Şäñgäräew « Lider 11-13 yaş» nominatsiyasendä 2-nçe urın,

Wiktoriya Trofimowa «Lider 16-17 yaş» nominatsiyasendä 1-nçe urın, Aliya Äxmätowa – 3-nçe urın, Timur Nazarow «Yaşlär oeşması citäkçese» nominatsiyasendä 2-nçe urın, Ilnaz Nasrtdinow 2-nçe urınga laek buldılar. Afärin!

Bäyge Tatarstan Respublikası yaşlär eşläre häm sport ministrlıgı, TRnıñ Yaşlär oeşması sowetı yardäme belän uzdırıla.

Çittän torıp saylap alu etabında 300, ä finalda 150 konkursant katnaştı.

Yosıf Şängäräew:

- Bu konkursta min Sälätneñ berniçä proektında katnaşuım xakında söylädem. Alar «Bezneñ fiker» proektı häm «Sämrux» el premiyase. Xäterläsägez ikençesendä min üzemne alıp baruçı rolendä sınap karagan idem. Berençe öçlekkä elägäm dip uylagan idem. Ciñüemä min Sälätkä räxmätlemen.

Ilnaz Nasrtdinow:

- Bäygedä 4 teldä kamil aralaşkanımnı, sport ölkäsendä bulgan uñışlarım xakında häm Sälät proektlarında aktiw katnaşuım xakında söylädem. Berençelekkä elägü öçen, älbättä, bik küp tırışırga kiräk. Ixlas bulu da zur rol uynıy. Räsäygä çıgarmın digän xis belän yanıp yördem. Berençe könne ük bäygedä katnaşuçılarga karap soklandım. Küp täcribä tupladım. Sälätemneñ yözenä kızıllık kitermädem dip sanıym. Räxmät!

Uñışımnıñ serläre nidä dip sorarsız. Berençedän, täcribä. Bu bäygedä min berençe tapkır 2012-nçe elda katnaşkan idem. 2013tä isä 3-nçe urın yauladım.

Süz dä yuk miña Sälät törle yaktan yardäm itte. Min üzemne äydaman, citäkçe bularak bu bäygedä kürsätä aldım. Kızıklı fakt: min katnaşkan nominatsiyadä Tatyana Talapina ciñü yauladı. Bez anıñ belän 2012-nçe elda uk tanışkan idek. Bıel isä bergä katnaşıp kabat küreştek häm prizlı urınnar yauladık. El saen katnaşsam da kurku xise bar. Bıel ber tanışıma da katnaşırga täkdim ittem. Ul miña, min aña ışandım! Häm bezneñ barısı da uñışlı kilep çıktı! Alga taba da üsärgä, kamilläşergä kiräklegen añladım.