Ayzat Xidiyatullin: «Sälät» Klubı Prezidentı bulu minem öçen ul – zur ber adım!» ← kire kaytirga

Izge Bilär cirendä Hönärlär Bilär Forumnıñ yabılu tantanasında «Sälät» Klubınıñ yaña prezidentı iglan itelde. Ul – «Galäm» alanınıñ ölkän äydamanı, aktiwist Ayzat abıy Xidiyatullin. XV Prezidentnıñ xis-kiçereşləre, kiləçəkkə plannarı turında üze belən söyləştek.

— Ayzat, sine «Sälät» Klubınıñ XV Prezidentı buluıñ belən täbrik itäbez! Iskə töşerik əle: sin Sələt dönyasına kayçan, niçek kilep kerdeñ?

Bik zur räxmät! Min 2019 elda berençe tapkır Icat Bilär Forumga üzemneñ biyu kollektiwım belän bardım. Ätnä rayonınıñ «Alçäçäk» dip atalgan biyu kollektiwında biep üstem min, häm forumga da bezne üzebezne häm üz sälätlärebezne kürsätü maksatı belän cibärgännär ide. Menä şulay min Sälät dönyasına berençe adımımnı yasadım. Älegedäy xäterlim, «Estemi Kagan» alanın, berençe äydamannarım – Alsu apa häm Aynur abıy belän tanışunı.

— «Sälät» Klubı Prezidentı bulu sineñ öçen nərsə ul?

«Sälät» Klubı Prezidentı bulu minem öçen ul – zur ber adım, yaña baskıç kebek. Sälät dönyasında häm gomumän tormışta üzemneñ yaña adımnarımnı yasarga, yañalıklar alıp kerergä häm yaña ürlärgä ireşergä mömkinlek.

— Sələt dönyasına nindi yañalık alıp kerergä teliseñ, nindi maksatlar östendə eşlärgä planlaştırasıñ?

Sälätle balalarnıñ üzara mönäsäbätlären üsterüne, yaxşırtunı, tatar telendä söyläşüçe auditoriyane arttıru häm millättäşlärebez arasında mädäniyatkä häm millätebezgä karata mäxäbbät üsterüne töp maksatlarım itep bilgelim. «Sälät» Klubı sälätle balalarnı barlauçı, üsterüçe üzençälekle ber moxit häm çıganak ul, şuña kürä dä kiläçäktä Klub katnaşuçılarınıñ aerım ber törkem, sälätlelärneñ aldıngıları häm liderları itep üsterü telägem bik zur.

— «Sälät» Klubınıñ XV Prezidentı Islam abıy Mirgayazow siña nindi kiñəşlər birde, nindi ürnək kürsətte?

Islam abıy belän bez inde küptännän tanış. Ul 2021 elda minem äydamanım buldı; annarı ul minem direktorım bulıp, min anıñ äydamanı buldım; alga taba bez anıñ belän 2025 elga kadär bergä başcitäklär komandasında häm «Sälät» Klubı komandasında bergä eşlädek. Ul bik yaxşı lider häm citäkçe ürnäge minem öçen. Islam abıy miña bik küp kiñäşlär birde, böten eşne tögäl häm wakıtlıça itep eşläp barırga häm balalar, äti-änilär, komanda häm citäkçelär belän näticäle kommunikatsiya oeştırırga öyrätte. Min anıñ eşen uñışlı däwam itärmen dip ışanam.