«Sälät WikiMäktäbe» ukuçısı bul! ← kire kaytirga

7 aprel könne, şimbä, Sälät Yortında «Sälät WikiMäktäbe»neñ uku-ukıtu kursı start ala. 

Berençe etap här şimbä Sälät Yortında onlayn häm offlayn formatında uzuçı 5 ostaxanädän tora.

Şulay, 7-nçe aprel könne sägat 14.30 ostaxanädä proektta katnaşır öçen gariza tapşırgan 23 aktiwist köç sınıy alaçak. 

Mäktäpneñ küp kenä ukuçıları Tatarstannıñ törle rayonnarında tora. Läkin, bu alarga ostaxanädä bulırga ber dä komaçaulamıyaçak. Alar öçen maxsus «Skype»ta wideokonferentsiya oeştırılaçak.

Ostaxanälärneñ spikerları bularak Wikimedia proektlarınıñ täcribäle katnaşuçıları çakırıldı. Alar arasında proektnıñ elekkege citäkçese Färhad Fatkullin, «Gıylem» web-proektınıñ citäkçese Aydar Şäyxin häm tatar wikipedistları Abdullax Xamidullin belän Marat Usmanow.

Berençe etap may ae başında tämamlanaçak, soñınnan, yaşlär praktikaga totınaçak dip kötelä. Törle çaralarga barıp, ukuçılar alar nigezendä Wikimedia proektlarında mäkalälär buldıraçak.

Şulay itep, «Sälät WikiMäktäbe» ukuçıları mäkalälär yazuda täcribä tuplap, tatar telendäge Wikimedia proektların baetıp, internet çeltärendä tatar segmentın arttırıçaklar.

   Katnaşu öçen garizalar monda kabul itelä.