«Sälät-Olimp» mäktäbeneñ yazgı smenası tämamlandı ← kire kaytirga

Bügen, Bilärdä, «Fänsar» fän häm mägarif üzägendä «Sälät-Olimp» mäktäbeneñ yazgı smenası tämamlandı. Smenanıñ programması, katnaşuçıları turında soraularıbızga proekt citäkçese Nadir Kuramşin cawap birer.

- Smena xakında tulırak söyläp kitsäñ ide.

- Smena bik yaxşı uzdı. Bez, berençe tapkır kanikul däwamında köçle komanda belän 2 smena uzdırdık. Komandabızdagı eget-kızlarnıñ yugarı däräcädäge eşläü sıyfatları bulmasa, smena ul kadär ük şäp ütmäs ide. Smena başlanganda barlık awırlıklar da yukka çıktı. Här könne balalarnıñ energiyase bezneñ käefne kütärep, yaña köçlär östäp kilde.

- Smena programması nindi ide?

- Programmanıñ eçtälege bik bay buldı. Ser belän genä äytäm, kayçagında smenadan maksimal räweştä barısın da alır öçen, yartı sägatkä soñrak yoklarga yata idek. 20 sägatkä suzılgan intensiw programma, saf hawada yörülär, aralaşu, uennar häm älbättä yal itergä bulışa torgan traditsion çaralar.

- Aldıgızga kuygan barlık burıçlarga da ireşü kilep çıktımı?

- Balalar Tatarstan Respublikasınıñ iñ köçle ukıtuçıları belän imtixannarga äzerlänergä, häm älbättä, räxätlänep yal itergä, imtixannarnı yaxşı gına birer öçen smenadan energiya, küp belemnär alırga dip kildelär. Äzerleklär häm yal, bik yaxşı uzdı!

- Katnaşuçılar turında närsä äytä alasıñ?

-Smenada, Sälät proektları katnaşuçıları da, şulay uk yaña balalar da buldı. Inde berençe könnän ük, barısı da ber agımda idelär. Balalar wakıtların buşka uzdırmıyça, berençe könnän ük aktiwlıkların kürsätep kildelär.

- Smena katnaşuçılarına teläkläreñ?

- Barlık eşläregezdä uñışlar telim! Yaña tanışular, sezgä, uñay täessirlär genä kitergän dip ışanıp kalam. Tormıştan yam tabıp yaşägez, gel üseştä bulıgız häm üzegez yaratkan yunäleşne saylagız.