8-nçe fewral könne, 17:30 G. Tukay isemendäge Tatar Däülät Filarmoniyasendä (Kazan, Pawlyuxina ur., 73) Respublikaküläm sälätle balalar häm yaşlärgä yardäm itüçe «Sämrux-2017» el premiyaseneñ büläkläü tantanası uzaçak. 

Älege premiyaneñ maksatı: «Sälät» xäräkätendä katnaşuçı sälätle balalarnı häm talantlı yaşlärne büläkläü, «Sälät» kollektiwınıñ, iganäçelärneñ, proektlarnı oeştıruçılarnıñ eşenä bäya birü. 
Premiya Tatarstan Respublikası «Sälät» yaşlär ictimagıy fondı tarafınnan Tatarstan Respublikası xökümäte yardäme belän oeştırıla. Berençe tapkır 2015-nçe elda ütkärelde. Premiya däwerendä katnaşuçılar sanı 300-dän arttı. Alarnıñ 25 töp büläkkä – törek eposı riwayatennän «Sämrux» koşı sınına iya buldılar. 

Premiya – uzgan elga yomgak yasau häm Sälät moxiten aktiw katnaşuı häm energiyase belän buldıruçı keşelärgä räxmät süzlären belderü. Bügen Sälät ul – xäräkät, sistema, Tatarstan Respublikasınıñ meñlägän balalarnıñ häm yaşlärneñ texnologiya potentsialın tormışka aşıru, intellektual icatnı üsterüçe moxit. Sälät, 20 ellık tarixı kısalarında 140 meñnän artık sälätle balalarnı, yaşlärne häm ukıtuçılarnı berläşterde. Bu elnı Premiya 8 nominatsiyadä tapşırıla: 

- «El sälkeşe» nominatsiyase;

- «El äydamanı» nominatsiyase; 

- «El ölkän äydamanı» nominatsiyase; 

- «El direktorı» nominatsiyase; 

- «El alanı» nominatsiyase; 

- «El kuldaşları» nominatsiyase; 

- «El klubı» nominatsiyase; 

- «Sälät cırlıy» nominatsiyase. 

Bäyge etapları şäxsi häm komanda uñışlarınnan torgan portfolio formalaştıru, ekspertlar sowetı ägzaları belän äñgämä, intellektual wiktorinadan tordı. «El kuldaşları» nominatsiyase kısalarında östämä – pedagogik situatsiyalärne çişü bäygese oeştırıldı. 

Bu elnı Premiyadä 73 keşe katnaşa. Ekspertlar sowetı ägzaları wazıyfasın Tatarstan Respublikası ministrlıkları häm idarä tarmagı wäkilläre, galimnär häm mädäniyat eşlekleläre, şulay uk tanılgan cämägat eşlekleläre häm Tatarstan Respublikasınıñ yaşlär oeşmalarınıñ citäkçeläre ütäde. 

Premiya ciñüçelärenä maxsus büläk fondın oeşma wäkilläre köçläre belän buldıru – inde goref-gadät. Yaxşılardan iñ yaxşılarga akçalata yardäm kürsätü fund.selet.biz saytında bara. 

Ciñüçelärneñ isemenären iglan itü häm kötelgän sınnar belän büläkläü Premiyane tapşıru tantanasında uzaçak. Yaşlärne kotlau öçen Tatarstan Respublikası ministrlıkları häm idarä tarmagı wäkilläre, galimnär häm mädäniyat eşlekleläre, şulay uk tanılgan cämägat eşlekleläre häm Tatarstan Respublikasınıñ yaşlär oeşmalarınıñ citäkçeläre çakırıldı. 

Premiyaneñ maktaulı kunaklar rätendä witse-premer, mägarif häm fän ministrı R. T. Borhanow; yaşlär eşläre häm sport ministrı W. A. Leonow; ekologiya häm tabigıy baylıklar ministrı F. S. Abdulganiew; TR Prezident yardämçeläre R. R Gıymatdinow häm L. R. Fazleewa; berençe mädäniyat ministrı urınbasarı E. R. Kamalowa; Däülät Sowetı sekretare L. N. Mawrina; Kazan şähäre başkarma komitet citäkçese urınbasarı D. I. Fättaxow; «It-park» direktorı A. O. Graçew; TASSRnıñ atkazangan sängat eşleklese Rabit Batulla; Tatarstannıñ xalık şagıyre Rawil Fayzulla, TASSRnıñ atkazangan artistkası Rimma Ibrahimowa häm başkalar bulaçak. 

«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» icat studiyase, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.