Forum kısalarında «Bäläkäç» klubında 300 sälkipüş yal itkän ← kire kaytirga

Bügenge köndä Sälät berläşmäseneñ «Sälät-Bäläkäç» klubı 3 yunäleştä eşli. Berençese – Sälät yortında atna saen uzuçı däreslär. Ikençe yunäleş – elına 3-4 tapkır Bilärdäge «Fänsar» fän häm mägarif üzägendä uzuçı gailä smenaları. Häm öçençese – Sälät Forumı kısalarında eşläüçe «Sälät-Bäläkäç» klubı. Ike smenalı VI Xalıkara yaşlär uku-ukıtu sälät forumında «Sälät-Bäläkäç» aşa 300 bala uzgan.

Biredä balalar yal itep, uynap kına kalmıyça, Sälätkä xas bulgança däreslärgä yörilär. Forumda da Sälät yortında kilep däres birüçe ukıtuçılar üz eşlären däwam itte: wokal däreslären Läysän apa Äsxätowa-Arsentewa, dizaynnı Güzäl Banu, ä teatr sängaten Albina Sadreewa alıp bardı. El saen kilüçen «Şou sumasşedşego professora Nikolya» şou-studiyase, «Estestwenno, nauka!» laboratoriyase, «Salawat küpere» jurnalı bıel da bezdä kunak buldılar.

Yañalıklarga kilgändä, sälkipuşlar berençe tapkır zur Bilär säxnäsendä cır belän çıgış yasadılar.

Alsu Salawatowa, proektnıñ citäkçese:

- Xis-kiçereşlärne äytep-betergesez ide: monda gorurlık ta, läzzät tä, eşlägän eşeñneñ näticäsen kürü dä bar. Sentyabrga, yaña uku elına da plannar kora başladık. Balalar häm däreslär sanın arttırasıbız kilä. Ingliz tele däresläre östälde inde.

Gölnara Ganiewa, «Şou sumasşedşego professora Nikolya» şou-studiyase animatorı:

- Bu ölkädä min inde 5 el däwamında eşlim. Mäktäpkäçä yaştäge balalar belän eşläü aeruça da küñelle. Sälät Forumında bez berençe tapkır tügel, bıltır da çakıru algan idek. Barısı da bik oşadı! Sälät – iskitkeç balalar tulı iskitkeç urın! Barlık balalar da bik sälätle, maksatçan häm aktiw. Uñışlar teläp kalabız!