RUWIKI Internet-entsiklopediyase häm «Sälät» berläşmäse urtak proektnı başlap cibärü turında iglan ittelär ← kire kaytirga
2025 elnıñ 23 iyulendä XIV Xalıkara «Sälät» yaşlär uku-ukıtu forumı kısalarında RUWIKI Internet-entsiklopediyase häm «Sälät» berläşmäse arasında kileşü tözelde. Partnerlık Tatarstan Respublikası mädäniyaten tatar telendä RUWIKI materialların tözü häm redaktsiyaläü aşa saklap kalırga häm populyarlaştırırga tieş.
RUWIKI häm «Sälät» berläşmäse «RUWIKI – «Sälät» mäktäben başlap cibärälär. Proektta katnaşuçılar öçen däreslär 2025 elnıñ iyulendä başlana. Studentlar entsiklopedik materiallar yazarga, mäglümati çıganaklar belän eşlärgä öyränäçäklär häm RUWIKI platformasında tatar telendä yaña belemnär massiwı buldıraçaklar.
Urtak proektnıñ maksatları häm burıçları:
- Sälätle balalar häm talantlı yaşlärne RUWIKInıñ xäzerge uku-ukıtu platforması belän tanıştıru häm anıñ mömkinleklärennän faydalanırga öyrätü aşa tatar telendä mäglümati kontentnı üsterü.
- «Sälät» xäräkäte aktiwistların sotsial häm mägarif proektların gamälgä aşıru öçen RUWIKI platforması mömkinleklärennän näticäle faydalanırga öyrätü.
- Tsifrlı çorda intellektual üseş kıymmätlären häm döres mäglümat kulturasın populyarlaştıru.
- Yaşlärneñ sıyfatlı kontent buldıruda hönäri künekmälären üsterü häm tatar telle cämägatçelekneñ mägrifätçelek eşçänlegenä cälep itelüen arttıru.
«Sälät» belän xezmättäşlek itü näticäsendä Tatarstannıñ mädäniyate, anıñ tarixı häm tele turındagı mäglümatnı Rossiyaneñ tsifrlı kiñlegendä kübräk kullanırga mömkin bulaçak, - dip bilgeläp ütte RUWIKI general direktorı Wladimir Medeyko. - Ä yaşlärne Rossiya internet-entsiklopediyasendä mäkalälär tözügä häm redaktsiyaläügä cälep itü mädäni mirasnı saklauga yardäm itep kenä kalmıyça, kompetentlı liderlar buının formalaştırıp, sotsial-aktiw yaşlärneñ üz-üzlären tormışka aşıruına yaña ofıklar açaçak».
«RUWIKI eşçänlegeneñ maksatları, burıçları, alımnarı Sälätneke belän bik oxşaş. Bezneñ urtak missiyabez – tel, anıñ tarixı häm üseşe. RUWIKI belän kiläçäktä dä xezmättäşlek itü yaşlär arasında platforma instrumentların näticäle kullanunıñ totrıklı alımın, standartın häm gadäten formalaştırırga yardäm itär dip ışanabız», - dip bilgeläp ütte «Sälät» proektlarına nigez saluçı häm citäkçese Cäüdät Söläymanow.
«Bu protsessta bez RUWIKInıñ yaşlärgä mömkinleklären tulısınça açaçak mägarif mäktäpläre kebek urtak maxsus proektlarnı gamälgä aşıruda aeruça zur ähämiyat küräbez, - dip assızıkladı TR Räise yardämçese, «Aldıngılar xäräkäte» Rossiya balalar häm yaşlär xäräkäteneñ töbäk bülege citäkçese Timur Söläymanow. - Işanam ki, «Sälät» belän RUWIKI arasındagı näticäle xezmättäşlek tel kulturasın üsterügä häm yaş buın öçen belem birü mömkinleklären kiñäytügä zur öleş kertäçäk».
RUWIKI - kertelgän neyroçeltärle berençe Rossiya entsiklopediyase. Yasalma fähem kullanuçılarga üz soraularına tögäl cawap tabarga mömkinlek birä. Serwis ekspertlarnı häm gadi kullanuçılarnı berläşterä: teläsä kem RUWIKI awtorı bula ala, läkin materiallarnı werifikatsiyaläü garantı bulıp professionallar gına tora. Bügenge köndä RUWIKI RF xalıklarınıñ 21 telendä bar. Tatar telendäge bülek entsiklopediyaneñ iñ ukıla torgan töp 5 bülegenä kerä.