Ädäbiyat dönyasında tanılırga, mäşhür ädiplärneñ kiñäşlären işetergä, şäp büläklärgä iya bulırga telisez ikän, bu mömkinlekne kuldan ıçkındırmagız – «Sälätkä nur bulgan yoldızlar» açık ädäbi konkursına gariza cibäregez!

Flüs Latıyfi isemendäge Respublikaküläm «Sälätkä nur bulgan yoldızlar» açık ädäbi konkursınıñ maksatı – talantlı yaş awtorlarnıñ tatar ädäbiyatı ölkäsendäge icadi potentsialın üsterüdä bulışlık kürsätü.

Bu elnı konkurs tübändäge nominatsiyalär buença ütkärelä:
– şigriyat;
– çäçmä äsär;
– balalar ädäbiyatı;
– dramaturgiya;
– publitsistika;
– ädäbi tänkıyt;
– «Böek Bilär ruxı yaşi küñeldä» (gailä isemennän kollektiw gariza birü röxsät itelä torgan maxsus nominatsiya);
– «Min gorurlanam» (Böek Watan sugışında ciñüneñ 80 ellıgına bagışlangan maxsus nominatsiya).

Konkursta 7 yaştän alıp 25 yaşkä kadär bulgan sälätle mäktäp balaları häm belem birü oeşmaları studentları katnaşa ala.
«Sälätkä nur bulgan yoldızlar» konkursı berniçä etapta ütkärelä:

– 6 mart - 2 aprel – garizalarnı kabul itü etabı;

– 2 aprel - 4 aprel – icadi eşlärne konkurska saylap alu etabı;

– 7 aprel - 14 aprel – konkurska kabul itelgän eşlärneñ kazıylar şurası tarafınnan bäyalänü etabı;

– 19 aprel 2025 el – Kazan şähärendä konkursnıñ finalın uzdıru.

Konkursnıñ finalı programması kısalarında katnaşuçılar öçen ekspertlar belän «Açık dialog» formatında oçraşu, ütkärü mäydançıgı buença ekskursiya ütkäreläçäk häm kazıylardan kire elemtä alu mömkinlege bulaçak. 

Garizalar 2 aprelgä kadär kabul itelä. Konkursnıñ nigezlämäse belän monda tanışa alasız.