Bötendönya iktisad forumında Räsäydän bulgan katnaşuçı belän oçraşu ← kire kaytirga

Bügen, 30-nçı gıynwar könne 19:00 Sälät Yortında («Salkın zal», 4 kat) KFU dotsentı, iktisad fännär kandidatı, Global Shapers oeşması ägzası, Sälät aktiwistı Läysän Arsentewa belän oçraşu uzdırılaçak.

 Ul – Dawosta uza torgan Dönyaküläm iktisad forumında Räsäyne täkdim itä torgan Global shapers community berläşmäseneñ berdänber wäkile ide. Kazanga kaytkaç, sälätlelär belän forumda bulgan barlık xis-kiçereşlär, kızıklı mäglümatlar belän urtaklaşaçak.

Älege bäyge el saen katnaşuçılarnı portfolio aşa cıya. Yaşlär ireşkän uñışları xakında üz illärendä genä tügel, çit töbäklärdä yaşäüçelär belän aralaşıp, fikerläre belän urtaklaşalar. Portfolio aşa uzgan häm iñ yaxşılar dip sanalgannar dönyaküläm iktisad forumında katnaşu bäxetenä ireşä. Bıel isä Räsäy danın berdänber keşe – Sälät aktiwistı Läysän tanıttı.

Läysän Sälätkä 2004-nçe elda kilep kerä.  

«Sälät-Bilär» smenasına küp kenä bäyge, olimpiadalarda katnaşıp, TNW kanalınıñ alıp baruçısı bularak elägä. Berençe elda uk sarı galstukka iya bula. «Bikafest» festiwalendä elegräk katnaşuçı, ä bügenge köndä jyuri sostawında katnaşa. «Sälät-Bäläkäç» proektında wokal däresläre alıp bara. 2017-nçe elda berençe tapkır Kanadada uzdırılgan «Sälät-Monreal» alanınıñ oeştıru komitetı ägzası buldı.

2011-nçe eldan Läysän fängä kilep kerä. KFUda bügenge köndä iktisad yunäleşen saylap, ukuçılarga konkurentlık ostalıkları buença lektsiyalär ukıy.

«"Kazan şeyperlar mäktäbe" proektın Kazanda buldırgan, şulay uk Sälät aktiwistı bulgan Dilbär Sadıkowa belän bez tormışta da dus, älege proekt östendä eşläüçelär dä. Näk menä ul miña Shapers Community proektında katnaşırga täkdim itte» – dip fikeren belderde bezgä Läysän.

Läysän, sine Dönyaküläm iktisad forumında katnaşuıñ belän çın küñeldän täbrik itäbez! Alga taba da Sälät proektlarında katnaşıp, fänni ölkädä dä zur däräcälärgä ireşüeñä şigebez yuk. Afärin!