«Asıltaş» Sälät mäktäbe 2020/21 nçe uku elına berençe sıynıfka balalar tuplıy!

1 nçe sentyabrdä Kazan üzägendä urnaşkan «Asıltaş» Sälät mäktäbe berençe ukuçıları öçen işeklären aça.

Yaña mäktäp Sälät belem birü häm tärbiya eşçänlegeneñ 25 ellık täcribäsenä, infrastruktura häm sotsial-pedagogik kompleksnıñ mömkinleklärenä tayanıp tözelde. Sälät mäktäbe kontseptsiyase nigezendä belem birüne ukuçınıñ şäxesen garmoniyale itep häm häryaklap üsterü öçen şartlar tudıruçı sistema bularak añlau yata.


Mäktäpkä tagın berniçä urın kaldı. Äñgämägä yazılırga mömkin.


«Asıltaş» Sälät mäktäbe Sälät berdäm belem birü kiñlegeneñ ber öleşe bulıp tora.
● Mäktäp Sälät printsiplarına tayana häm berläşmäneñ traditsiyalären däwam itä.
● Ukuçılar belän «Äydamannar mäktäbe»ndä äzerlek uzgan häm Sälät proektlarında eş täcribäse tuplagan ukıtuçılar häm äydamannar koman.dası eşli.
● Belem birü protsessı Sälät berläşmäseneñ berdäm kalendare kısalarında tormışka aşırıla häm Sälätneñ törle üzäkläre (Sälät Klubı, fänni-belem birü mäktäpläre häm laboratoriyalär, cäyge alannar h.b.) tarafınnan oeştırıla torgan aktiwlıknı üz eçenä ala.
● Belem birü protsessı mäktäp kampusında da, Sälät yortı, «Yoldızlı» häm «Argamak» balalar-sälamätländerü bazası, «Fänsar» fän häm belem birü üzägendä dä tormışka aşırıla.

«Asıltaş» Sälät mäktäbe ukuçılarnı şäxes bularak tärbiyaläüne töp maksatı itep kürä.

● «Asıltaş» mäktäbendä här ukuçınıñ şäxesen komplekslı üsterü, alarnıñ icadi häm intellektual potentsialın açu öçen şartlar tudırılgan.
● «Asıltaş» mäktäbe belem birü protsessında katnaşuçılar öçen berdäm sotsiomädäni belem birü tirälegennän gıybarät.
● Sıynıfta ukuçılar sanı 15 keşedän artmıy, bu här ukuçıga, alarnıñ sälätlären öyränü häm üsterü yulı belän, indiwidual yakın kilergä mömkinlek biräçäk.

«Asıltaş» Sälät mäktäbe – çın küptelle moxit.
● Küptellelek printsibı – berläşmä nigezläreneñ berse.
● Tatar, rus häm ingliz tellären kullanu arasındagı balans belem birü protsessınıñ törle etaplarında törleçä.
● Başlangıç mäktäpne tämamlaganda, ukuçılarnıñ tatar, rus häm ingliz tellären belü däräcäse häm söyläm, häm yazmaça yaktan citärlek külämdä bulaçak, bu şuşı öç telneñ härkaysında fänne öyrätü mömkinlege biräçäk.
● Rus, tatar häm ingliz tellärennän tış, ukuçı saylangan kurslar kısalarında tagın ber yaki annan da kübräk çit telne öyränä alaçak.

«Asıltaş» Sälät mäktäbe ukuçılarga dönyaküläm däräcädäge sıyfatlı belem birü täkdim itä.
● Mäktäp komandası fänni-metodik häm hönäri kompetentlıgın daimi üsterüçe üz eşeneñ ostalarınnan tora.
● Belem birü protsessında ukuçılarda kiläçäk zaman künekmälären häm kompetentsiyalären üsterügä aerım igtibar birelä.
● Uku protsessın oeştırganda dönyaküläm belem birü trendları häm Rossiyadäge başka belem birü uçrejdenieläre täcribäse daimi öyränelä, programmaga turı kilä torgannarı häm iñ uñışlıları kertelä.


Sälät – mömkinleklär moxite.