24-30 nçı mart könnärendä Bilärdä, «Fänsar» fän häm mägarif üzägendä, M.I.Mäxmütow isemendäge «Fänsar» mäktäbeneñ yazgı sessiyase ütäçäk. Fän olimpiadalarında häm konferentsiyalärdä aktiw katnaşuçı 8-11 nçe sıynıf ukuçılarınnan garizalar kabul itelä!

«Fänsar» – mäktäp ukuçılarına östämä belem alu öçen şartlar häm mömkinleklär tudırıp, fängä tartıluçı yaşlärne açıklaunı, alarga yardäm itüne maksat itep kuygan uku-ukıtu proektı. Biredä matematika, fizika, ximiya, cämgıyat beleme häm biologiya fännärennän kızıklı häm mawıktırgıç formatta belem biräçäklär. Mäktäptä algan belemnärne nıgıtırga yaxşı mömkinlek! Çarada Tatarstannan da, çit töbäklärdän kilüçelär dä katnaşa ala.

Sessiya wakıtında kızıklı uku-ukıtu häm mädäni-küñel açu programması da oeştırılaçak. Garizanı sıltama buença kaldırırga mömkin.