«Sälät-Şäxes»tä kötelmägän yañalıklar ← kire kaytirga

9-26-nçı awgust aralıgında, «Zwezdnıy» yal häm sälamätländerü lagerendä, 4-11-nçe sıynıf ukuçıları öçen «Sälät-Şäxes» profille smenası ütäçäk.

Bıel töp basımnı yumorga yasaudan tış, şäxes üseşe yunäleşenä dä aerım igtibar bulaçak. Tatarstannıñ äydäp baruçı ukıtuçıları belän berlektä katnaşuçılar KWN uenınıñ teoriyasen, praktikasın häm barlık nigezlären öyränäçäk, psixologiya, sotsiologiya häm konfliktologiya serlärenä töşenäçäk. 10-13 yaşlek balalar öçen  maxsus uku-ukıtu programması tözelgän: UCMAS  xalıkara kompaniyasennän arifmetika, ingliz tele, akterlık ostalıgı däresläre karalgan.

Berniçä atna däwamında sälkeşlär respublikabızdagı KWN uenınıñ çın ostaları belän aralaşıp yaşiyaçäk. Moñardan tış Premer-liga häm Yugarı liga katnaşuçıları belän dä oçraşular planlaştırılgan.

Smenanıñ kunakları, ukıtuçıları yumor häm mäzäklärneñ büleneşe xakında bäyan itäçäk. Äle alar kızıklı çıgış formulasınıñ serlären dä çişärgä wägdä itälär.

Bıelgı tagın ber yañalık: här bala da Stand up däreslärenä yöriyaçäk. Alarnı Kazan Stand up  klubı citäkçeläreneñ berse Artur Şamgunow alıp bara.

Küñel açu häm mädäni programma da üz ähämiyaten cuymıy: Juna törkeme wäkilläre, «Gromkie rıbı» yutub-kanalın alıp baruçılar, G.Kamal isemendäge teatr akterları belän oçraşular kötelä.

Albina Kadirowa, smenanıñ direktorı:

-         Smenanıñ axırında sälkeşlärne xis-kiçereşlär diñgeze, yaña duslar, KWN uynau täcribäse kötä. Alannıñ plyusların bik ozak sanap bulır ide, tik ber tapkır kilep üz küzläreñ belän kürügä ni citä!

Smenanıñ «WKontakte»dagı räsmi törkeme: http://vk.com/seletkvn4kids

Katnaşu öçen garizalarıgıznı portfolio-selet.ru saytında kaldırıgız.