Sälätneñ cäyge kampaniyase açık dip belderelä! ← kire kaytirga

Bügen, yag-ni 8-nçe iyun- könne, Bolgarda Töbäkara palatkalı «Bolgar-Tugan tel» lagereneñ 1-nçe smenası başlanıp kitte. Şunıñ belän Sälätneñ cäyge kampaniyase açık dip belderelä!

«Bolgar-Tugan tel» smenasında 500 keşe katnaşaçak. Biregä Tatarstan, Tömän, Swerdlowsk, Kirow, Samara, Kurgan ölkäläre, Başkortostan, Mariy El Respublikalarınnan yaş-lär kilgän. Balalarnı 3 zur alanga bülgännär, härkaysında äydamannar Sälät moxiten tarata.

Forumnıñ programması tatar telen häm mädäniyaten öyränü yunälderelgän. Bu här planlaştırılgan çarada da kürenä. Smenanıñ başında här katnaşuçı tatar telennän maxsus test uzaçak. Anıñ nigezendä balalar törle kategoriyalärgä bülenep törkemnärgä taratıla, däreslärgä yöri. Smenanıñ axırında isä alarnıñ näticälelege kürenäçäk. Küñelsez däreslär bulmayaçak: respublikabıznıñ tanılgan şäxeslärennän ostaxanälär, oçraşular kötelä. Misalga, «Bolgar belän tanışu» icadi kwestı, «Eşläpä», «Spell battle», «Yabalak», «Tatarça mafiya», «Smart tatar», «Aulak öy» intellektual- uennarı. Fotosängat- belän şögıl-länergä, KWN uynarga, säxnä ostalıgın arttırırga da mömkinleklär bulaçak. Aerım tözelgän sport programması da bar. Ä iñ istä kalganı «Sabantuy» milli bäyräme bulır, mögaen.

Timur Nazarow, smenanıñ texnik direktor:

- Min «Bolgar-Tugan tel»dä berençe tapkır katnaşam. Anıñ masşabına tañ kaldım. Iñ möhime – smenanıñ şäp uzuı. Älege alan minem öçen yaña baskıç bulıp tora, çönki min direktor sıyfatında üzemne berençe tapkır gına sınap karıym. Cawaplılık sizäm. Küplär hawa torışınnan kurkıp kaldı. Kurıkmagız, barısı da äybät bulaçak! Barıbız bergä cıelıp bolıtlarnı kuıp taratırbız!

Alsu Salawatowa, smenanıñ programma direktorı:

- «Bolgar-Tugan tel»dän kütärenke käef, balalarnıñ elmayuın häm koyaş kötep kalam. Bezneñ komanda härwakıttagıça dus häm tatu bulır dip ömetlänäm. Bıel bez programmanı tulısınça üzgärttek, balalar kön saen tatar tele däreslärenä yöriyaçäk. Tugan telebezne ciñel dä, kızık ta itep ukıtırga tırışırbız.

Zöhrä Nasıybullina, smenanıñ ölkän äydamanı:

- Balalarnıñ häm äydamannarnıñ şäp käefennän täm tabasım kilä. Katnaşuçılar üzläre öçen yañalık alsınnar ide, cäyge kanikulları mawıktırgıç itep başlanuın telim. «Bolgar-Tugan tel» – ul cılılık, duslık häm gailä. Yaña smena – yaña komanda, yaña sulış.