«Tamırlar» - tugan telebez häm mädäniyatebezgä mädxiya! ← kire kaytirga

2025 elnıñ 20 iyunendä orkestr, xor kollektiwları, solistlar häm näfis süz ostaları katnaşında («La Primavera» Kazan kamera orkestrı, «Xıyal» kamera xorı, I.Äüxädiew isemendäge Kazan muzıka kölliyateneñ Tatar xorı, Fänis Cihanşa, Rabit Batulla häm başkalar) «Tamırlar» kantatası uzaçak.

Xalıknı tarixın, tamırların barlarga öndi, tarixka kızıksınu uyata, tugan telgä häm mädäniyatkä mäxäbbät tärbiyali, millätkä karata gorurlık xise uyata torgan äsärneñ nigezenä şagıyr Söläymannıñ şul uk isemle poeması salıngan, muzıkasın kompozitor Roza Möxetdinowa yazgan. Äsärdä tatar xalkınıñ mädäni kodı salıngan, ul balalar häm yaşlärne tärbiyaläüneñ ber ısulına äwerelergä mömkin. Kantata tatar moñınıñ gäüdäläneşe bulıp tora häm sıyfatlı muzıka söyuçelär öçen çın büläk bulırga wägdä itä.

Çara mädäni elemtälärne nıgıtuga, muzıka janrlarınıñ küptörlelege häm tamaşaçılarga tatar sängateneñ bay mirası belän tanışu mömkinlege birügä yunälderelgän. Çaranıñ maksatları:  

- Klassik, xalık häm zamança traditsiyalärne berläştergän muzıka häm wokal sängaten täkdir itü.  

- Talantlı başkaruçılarga, yaş artistlarnı häm icat kollektiwların da kertep, yardäm itü häm üsterü.  

- Milli awtorlarnıñ äsärlären başkaru aşa tatar muzıka kulturasın saklau häm populyarlaştıru.  

- Orkestr muzıkasın, xor cırlaunı, solo çıgışlarnı häm näfis süzne berläştergän unikal mädäni wakıyga tudıru.  

Oeştıruçılar häm katnaşuçılar: «Sälät» YaÜ, «Sälät»TTYaF

- Muzıka citäkçese häm dirijerı: Röstäm Abyazow. 

- Şigırlär: Söläyman

- Muzıka: Roza Möxetdinowa

- Başkaruçı:  

  - «La Primavera» Kazan kamera orkestrı.  

  - «Xıyal» kamera xorı (citäkçese - Älfiya Capparowa).  

  - I.Auxädiew isemendäge Kazan muzıka kölliyateneñ tatar xorı (citäkçese — Güzäl Axunowa).  

  - Kazan federal uniwersitetınıñ Filologiya häm mädäniyatara baglanışlar institutınıñ «Bäyräm» folklor wokal - instrumental ansamble (citäkçese-Gölnaz Äkbärowa).  

- Solistlar Rezedä Galimowa, Idris Gaziew, Robert Miñnullin, «Färidä-Alsu» wokal duetı.  

 Näfis süz: Fänis Cihanşa, Rabit Batulla (proekt citäkçese — Gölzada Safiullina).  

 Alıp baruçı: Ayzilä Batırxanowa.

Ütkärelü urını: G.Kamal isemendäge Tatar däülät akademiya teatrı (Kazan şähäre, Tatarstan uramı, 1 yort).

Biletlar: teatr kassasında kararga mömkin. Beleşmälär öçen telefon: (843) 293-03-74.