«Yaktılık» mäktäbeneñ 20 ellıgı ← kire kaytirga

Samara ölkäsendä «Yaktılık» mäktäbe tatar yaşläreneñ üzäge bulıp tora. Näk tä biredä balalar sıyfatlı belem ala, äxlakıy yaktan tärbiyalänä.

5-nçe aprel könne mäktäpneñ 20 ellıgına bagışlangan tantanalı çara bulıp uzdı. Hiçşiksez, «Yaktılık» mäktäbe tarixında bu zur data bulıp kala. Çaranıñ töp kunaklarınıñ berse bularak Sälät berläşmäse wäkilläre dä katnaştı. Belgänegezçä, älege mäktäptä «Sälät-Samara» klubı eşläp kilä. Klubnıñ räise – Sälät aktiwistı Sabir Galimullin. Çarada milli biyulär, cırlar, spektakllärdän özeklär yañgıradı. «Barlık çıgışlar da yugarı däräcädä ütte. Yubileynı äzerläüdä häm ütkärüdä yardäm itkän barlık keşelärgä zur räxmät belderäse kilä», - dip üz fikeren belderde çaranıñ rejisserı, mäktäpneñ tärbiya eşläre buença direktor urınbasarı Inzilä Ralif kızı Gıyzzätulina.

«Yaktılık» mäktäbeneñ ütkäne bay, bügengese bik matur häm kiläçäge uñışlı buluına ışanıp kalabız, kabat çın küñeldän kotlıybız! Alga taba da Sälät berläşmäseneñ başka proektlarında da bergä-bergä, kulga totınışıp eşlärgä yazsın. Afärin!