«Fänsar» mäktäbendä yaña uku elı. Ul nindi bulır? ← kire kaytirga
«Fänsar» mäktäbendä yaña uku elı start aldı. Bıel mäktäptä bäyge aşa uzıp 160 bala belem alaçak. Şularnıñ 40ı bu mäktäptä inde ikençe , öçençe el belem alaçak. 14 bala isä Sälät moxite belän äle berençe tapkır gına tanışaçak. Menä digän mömkinçelek bit bu! «Fänsar» berläşmäbezneñ töp uku-ukıtu proektı ikänen küpçelegebez belä.
Mäktäp ukuçıları fän belän kızıksınuçan, barlık köçlären matematika, fizika, biologiya, ximiya, cämgıyat beleme, ingliz tele häm tarix kebek fännärne tiränten öyränergä teläk belderüçe sälätle yaşlär.
Bıl mäktäp KFUnıñ tanılgan ukıtuçıları belän tagın da tıgız eş alıp barırga niyatli.
Däreslär 9-nçı oktyabr könne başlanıp kitäçäk. Şul uk könne kiçke 19:00 saytta biologiya buença berençe webinar uzaçak. Spiker – molekulyar biolog, bioximik, «Student goda-2015» premiyase cinüçese Dinara Fäesxanowa.
Webinarlar – mäktäpneñ töp yunäleşlärneñ berse bulıp tora. Alar tämamlanuga testirowanie uzdırılaçak. Iñ yaxşıları dip tabılgan ukuçılar isä «Fänsar» uku-ukıtu üzägendä uzaçak közge sessiyadä katnaşaçak. Ser tügel, älege sessiyalärdä katnaşuçılar belem alıp kına kalmıy, törle ostaxanälär tıñlap, Sälät belän yakınrak tanışalar.
Proekt citäkçese Elina Stepanowa:
- Min üzem älege proekta berençe tapkır 2002-nçe elda kışkı sessiyadä katnaştım. Şul wakıttan älege mäktäp eşe belän şägıllänäm. Älege proekt belän üzem dä üstem häm belemnäremne dä yaşlärgä citkerü telägem bik zur. Kaderle ukuçılarıbız! Sez döres yunäleştä, zaman belän bergä atlıysız. Alga taba da ideyaläregez taşıp torsın, alarnı praktikada da kullanırga onıtmagız.