Sälät Forumı 1-nçe smenasınıñ sport programması ← kire kaytirga

Sälät cäyge proektları töp funktsiyalärennän berse – sälamätländerü. Şuşı uñaydan Xalıkara yaşlär uku-ukıtu Sälät forumı üz eçenä uku-ukıtu, mädäni-küñel açu programmaların gına tügel, küñelle sport çaraların da ala.

Çempionatlar

Forum kısalarında, inde traditsiyagä äwerelgänçä, alannarnıñ cıelma komandaları arasında futbol, woleybol, şaxmatlar häm STRITBOL buença  çempionatlar uzaçak. Komandalar üzara olimpiada sisteması buença oçraşalar. Här çempionatta da berençe urın yaulagan komanda FORUM KUBOGI belän büläklänä.

Djem-sessiyalär

Bıel Forumda sport söyuçelärne zur yañalık kötä: woleybol, stritbol, florboll häm bezboll buença mini-çempionatlar – djem-sessiyalär ütkäreläçäk.

Berär kayçan cäy köne xokkey uynaganıgız bar ideme? Florboll – rusça xokkeynıñ cäyge wariantı ul. Forum katnaşuçıları här alannan cıelma komanda täkdim itä ala, yaki berniçä alannan teläk belderüçelär bergäläşep tä uynarga mömkin. Bu uen köçle keşelär öçen!

Bezboll – BEYSBOLL uenınıñ ber töre. Gadi kagıydälär, kızıklı karşı torular, zur igtibar – bu uennı aeruça da kızıklı itä. Uençılar da, tamaşaçılar da kanägat kalaçak.

Bıel berençe tapkır ir-egetlär arasında Räsäy Federatsiyase Däülät Duması deputatı, tanılgan sportçı Irek Xäydär ulı Zinnurow belän berlektä, su polosı buença djem-sessiya uzaçak. «RedBull» kompaniyase belän kiber-futbol buença yarışlar da kötelä. Forumnıñ sport programmasında xalıkara klasslı awtomobil sportı sporstmenı Timur Renat ulı Timercanow katnaşuı da kötelä.

Forumnıñ sport çaralarına üz öleşlären partnerlarıbız da kertte. Gaga.ru canıñ telägän sport uenın siña täkdim itäçäk.

Intellektual-sport estafetası

Traditsion INTELLEKTUAL-SPORT ESTAFETASI bıelgı Forumnıñ töp teması astında ütkärelä. Komanda katnaşuçıları öçen intellektual birem häm rebuslar birelä, alar keşe yaşäeşeneñ törle periodları belän bäyle.