Tatar telendä uzuçı III «Bezneñ fiker» parlament debatları ligası ← kire kaytirga

 Bügen 27-nçe fewral könne 17:00 Sälät yortında (Ostrowskiy ur., 23) tatar telendä ütkärelüçe III «Bezneñ fiker» parlament debatları ligasınıñ  açılu tantanası uzaçak.

Liganıñ räsmi açılışında «Sälät»  yaşlär üzäge direktorı Aygöl Gabdraxmanowa, Tatarstan Respublikasınıñ «Respublika debatow» uku-ukıtu häm diskussiya üzäge citäkçese Ammar Al-Ansi, Sälät klubı prezidentı Igor Smirnow häm tatar telendäge «Bezneñ fiker» parlament debatları ligası citäkçese Läysän Miñnullina katnaşaçak.

«Bezneñ fiker» ligası balalarda häm yaşlärdä fiker yörtü künekmäläre häm oratorlık ostalıgı formalaştıruga yunältelgän. Şulay uk proekt tatar telen häm mädäniyaten saklap kalu, yaş buın arasında tagın da populyarlaştıru maksatın üz eçenä ala.

Liganıñ uennarı britan formatındagı parlament debatlarınnan gıybarät.

Katnaşu öçen 14 yaştän alıp mäktäp ukuçıları, urta maxsuslaşkan häm yugarı belem birü yortları studentları çakırıla.

Liganıñ açılu tantanası programması:

1.     «Bezneñ fiker» proektın täkdim itü.

2.     Tatar telendä ütkärelüçe III «Bezneñ fiker» parlament debatları ligası eşçänlege prezentatsiyase.

3.     «Amerikanka» formatındagı ürnäk uen.

4.     Fiker alışu.

Liganıñ eşçänlege belän här kızıksınuçı tanışa ala. Räxim itegez! Älege proektnıñ w kontakte çeltärendä üz bite bar:  https://vk.com/tatardebat.  Kızıksıngan soraularıgıznı biredä kaldıra alasız.