Bu cäyne «Bolgar-Tugan tel» Töbäkara palatkalı alanı 2 smenada ütäçäk ← kire kaytirga

Bu cäyne «Bolgar-Tugan tel» Töbäkara palatkalı alanı 2 smenada ütäçäk: 8-14-nçe iyun- häm 17-23-nçe iyun- aralıgında. Ütkärü urını gına üzgäreşsez kala: Spass rayonı, Bolgar şähäre. Här smenada da 450 sälätle balalar häm yaş-lär katnaşaçak.

Lager- tatar balaları öçen, tatar telen öyrätü, saklap kalu häm populyarlaştıru maksatınnan ütkärelä.

Çaranıñ uku-ukıtu programması üzenä töşke aşka kadär bulgan däreslärne ala: tatar tele, milli yunäleşle icadi ostaxanälär (milli biyulär, Hand made – milli kiemnär tegü, milli koloritlı floristika, kurayda, bayanda uynarga öyränü, h.b.) häm eşmäkärlek.

Töşkä aşkaça bulgan däreslär 5 kön däwamında baraçak. Lager-neñ berençe könendä balalar tatar telen kamil belüne tikşerügä yunälderelgän test eşliyaçäklär. Ä inde 5-nçe könne testnı kabatlap, uku-ukıtu programmasınıñ näticäläre bilgelänäçäk.

Töşke aştan soñ da ostaxanälär häm oçraşular planlaştırılgan. Alar MMÇ, tarix/arxeologiya, mädäniyat/sängat- kebek yunäleşlärne yaktırtaçak.

Här ike smenada da katnaşu öçen inde 200-şär gariza kabul itelde. Älege isemleklärdä bıltırgı sälkeşlärne kürü aeruça şatlıklı. Ä kayberäülär alanıbızga inde äydaman, ölkän äydaman sıyfatında äylänep kaytaçak.

«Bolgar-Tugan tel 2017» alanı direktorı Regina Nurullina:

- Yazmış mine üze şuşı alanga alıp kilde. Min anı tügel, ä ul mine sayladı. «Bolgar-Tugan tel»  komandası respublikaküläm, bötenräsäy çaralarında da  üzlären yaxşı oeştıruçılar bularak kürsätälär. Ä gomumän alganda, min Sälättä 2007-nçe eldan. Bik küp proektlarda katnaşıp ölgerdem. «Sälät-Bolgar» alanında direktor urınbasarı, «Aznakay», «Sanak»,  «Kandrakül»dä, 2 el rättän «Sälät-Tel»dä direktor rolendä üzemne sınap karadım. «Sälät-Italiya», «Sälät-Awstraliya» smenalarında da katnaşu bäxetenä ireştem. «Sälätkä nur bulgan yoldızlar» proektında da minem uñışım buldı. Yaratam Sälätne! Inde ansız yaşi almam tösle. Xätta otpusk yallarımnı da Sälätkä bagışlıym! (Kölä)