Timerxan Şäyxetdinow xalıkara «Wiki-konferentsiya 2017» forumında katnaştı ← kire kaytirga

Mäskäüdä XI xalıkara «Wiki-konferentsiya 2017» forumı uzdı. Forum Wikimedia proektların törle tellärdä täkdim itügä bagışlangan ide. Älege Forumda Sälät aktiwistı Timerxan Şäyxetdinow katnaşuçılar aldında «SälätWiki Mäktäbe» proektı belän çıgış yasadı.

- Timerxan, ni öçen älege Forumda katnaşırga uyladıñ?

- Wikipediya ölkäsenä kagılışları bulgannarga  yaşlär arasında älege ölkägä ixtıyac bar ikänen añlatasım kilde. «SälätWiki Mäktäbe» unikal proekt. Anıñ citäkçese – Sälät weteranı Färxad Fätxullin.

- Forumda iñ istä kalganı närsä buldı?

- Başka wikipediyalärneñ tarixı turında söyläüläre kızık buldı. Anıñ üz tellären üsterü buença törle mexanizmnar kullanıla ikän. Min kollegalarım belän aralaşuga häm tanışuga bik şat buldım.

- «SälätWiki Mäktäbe» kayçan oeştı?

- Ber el elek. Min älege mäktäpneñ studentı häm kuratorı bulıp toram.

- Ni öçen älege proektka alınırga buldıñ?

- Miña Wikipediya kısalarında tatar telen üsterü kızıklı. Şulay uk törle fänni eşlär yazu belän dä kızıksınam bit min. Kiläçäktä dä fänni-tikşerenü eşläre yazganda älege proekt yardämgä kiler dip uylıym.

- Xalıkara Forum  üzeñne yaña yaktan açu öçen menä digän mömkinlek.

- Äye, älbättä. Bıeldan min älege proektka çın-çınlap alınıp, anı üsterüne maksat itep kuyaçakmın.

- Forumda katnaşu närsä birde?

- Kollegalarımnan bezneñ proekt turında cılı süzlär işetü aeruça küñelgä yakın buldı. Alda zur plannar.

- Kayber plannarıñ belän bezne dä tanıştırsañ?

- Mäsälän, Armeniyadäge kollegalar belän Sälätneñ cäyge smenalarında xezmättäşlek itü. Alar da sälätle yaşlär häm balalar belän bik tıgız eş itälär iken.

- Afärin! Uñışlar!

Duslar! Yaña uku elı başlanıp kitü uñaennan, «SälätWiki Mäktäbe» ukuları däwam itä! 

Ägär sin fän, belem ölkäsendä mäglümat tabu häm taratu öçen iñ aldıngı texnologiyalär üzläşterergä teliseñ ikän gariza tutır.