El direktorı isemenä kem laek? ← kire kaytirga
Irtägä, 19-nçı dekabr könne Sälät yortında «Sämrux-2017» premiyase «El direktorı» nominatsiyaseneñ äñgämä nigezendä saylap alu etabı bula. Alan direktorı, berençe çiratta, balalar häm komanda öçen zur cawaplılık totuçı şäxes. Balalarga smenanıñ oşawı, yaki oşamawı, näk menä direktordan tora. Älege wazıyfanı uñışlı başkaruçını – cyuri ägzaları bilgeli. Ä alar aldında tübändägelär çıgış yasar:
- Igor Smirnow;
- Rufat Kiyamow;
- Dilärä Sabitowa;
- Bulat Wäliullin.
«Igor abıy, sez – şäp direktor». Bu minem süzlär tügel, ä sälkeşlärneke. Miña kalsa, balalar yalganlamıy. Bälki, şunıñ öçen dä, min el direktorı bulırga laek», – dip, büleşte Igor.
«Ni öçen näk menä min El direktorı bulırga tieş? Awır sorau. Minem Sälät xäräkätendä ireşkän uñışlarım az tügel. Moña dälil – räxmät xatları häm 2,3-nçe däräcälär. Min ciñüçe bulırga laek! Üz-üzeñä, köçeñä häm xıyallarnıñ çınga aşuına ışanmasañ, konkurslarda katnaşıp ta tormasañ bula. Min härwakıt kuygan maksatlarıma ireşergä tırışam, eşläremne çın küñeldän yaratıp başkaram. Barlık katnaşuçılarga uñışlar telim!» – dide Bulat Wäliullin.
Katnaşuçılarnı tübändäge kriteriylar buença bäyalilär:
- Sälät berläşmäse eşçänlegendä aktiw katnaşu;
- Sälät berläşmäsendä kazanışlarga iya bulu;
- Sälät profille alanında äydamanlık täcribäse bulu;
- nominant citäklägän alannıñ uñışları bulu;
- şäxsi häm professional uñışlarga iya bulu;
- Tatarstan Respublikasınıñ ike däülät telendä dä söyläşä belü;
- «Sälät» Tatarstan Respublikasınıñ yaşlär ictimagıy fondı, «Sälät» yaşlär üzäge Däülät uçrejdeniyase, smena bazaları citäkçeläre bäyalämäse;
- gomumi täessir.
Barıgızga da uñışlar telibez! Iñ köçlese ciñügä ireşsen!
«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Bratya Zaripowı» agenstwosı, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.